మెరిపించే తులసి
ఆరోగ్యానికి తులసి చేసే మేలు అంతా ఇంతా కాదు. సౌందర్యపోషణలోనూ కీలక పాత్ర పోషిస్తుంది. నిత్యం అందుబాటులో ఉండే తులసి వల్ల అందాన్ని ఎలా ద్విగుణీకృతం చేసుకోవచ్చంటే...!
* మెత్తగా చేసిన తులసి ఆకుల గుజ్జులో పావు చెంచా పాలపొడీ, కాసిని నీళ్లు కలుపుకోవాలి. ఈ మిశ్రమాన్ని ముఖానికీ, మెడకీ పూతలా రాసుకోవాలి. ఇరవై నిమిషాలయ్యాక చల్లటి నీటితో కడిగేసుకోవాలి. ఇలా రోజూ చేస్తుంటే చర్మం కాంతిమంతంగా కనిపిస్తుంది. అప్పటికప్పుడు కాస్త ముఖం మెరుపుతో కనిపించాలనుకునేవారు దీన్ని ప్రయత్నించొచ్చు. ఇలా వారంలో రెండు సార్లు చేస్తే మంచిది.
* యుక్తవయసులో మొటిమలు ఇబ్బంది పెడుతుంటాయి. ఈ సమస్యకు పరిష్కారంగా తులసి ఉపయోగపడుతుంది. దీనికోసం పది నుంచి పన్నెండు తులసి ఆకులు, మూడు నాలుగు వేపాకులు, చెంచా గంధం పొడి, నాలుగైదు చెంచాల గులాబీ నీరు కలిపి మెత్తగా చేసుకోవాలి. ఈ మిశ్రమాన్ని ముఖానికి రాసుకోవాలి. ఆరాక నీళ్లతో తడిపి మర్దన చేసుకుని ముఖాన్ని శుభ్రం చేసుకోవాలి. ఈ మిశ్రమం చర్మగ్రంథుల లోపలికి చొచ్చుకుని పోయి శుభ్రం చేస్తుంది. ఫలితంగా మొటిమలూ, వాటి తాలుకూ మచ్చలు తగ్గుముఖం పడతాయి.
* గుప్పెడు తులసి ఆకుల్ని మెత్తగా చేసుకోవాలి. దానికి కాస్త టొమాటో గుజ్జు, చెంచా తేనె చేర్చి ముఖానికి రాసుకోవాలి. రోజూ ఉదయాన్నే ఈ మిశ్రమం రాసుకోవడం వల్ల ముఖంపై పేరుకునే జిడ్డు నియంత్రణలో ఉంటుంది. చర్మం తేజోమంతంగా కనిపిస్తుంది. పొడి చర్మతత్వం ఉన్నవారు అరటిపండుని కలిపి ఫేస్‌ప్యాక్‌ తయారు చేసుకుంటే ఫలితం ఉంటుంది.
ఆరోగ్యానికి తులసి చేసే మేలు అంతా ఇంతా కాదు. సౌందర్యపోషణలోనూ కీలక పాత్ర పోషిస్తుంది. నిత్యం అందుబాటులో ఉండే తులసి వల్ల అందాన్ని ఎలా ద్విగుణీకృతం చేసుకోవచ్చంటే...!
* మెత్తగా చేసిన తులసి ఆకుల గుజ్జులో పావు చెంచా పాలపొడీ, కాసిని నీళ్లు కలుపుకోవాలి. ఈ మిశ్రమాన్ని ముఖానికీ, మెడకీ పూతలా రాసుకోవాలి. ఇరవై నిమిషాలయ్యాక చల్లటి నీటితో కడిగేసుకోవాలి. ఇలా రోజూ చేస్తుంటే చర్మం కాంతిమంతంగా కనిపిస్తుంది. అప్పటికప్పుడు కాస్త ముఖం మెరుపుతో కనిపించాలనుకునేవారు దీన్ని ప్రయత్నించొచ్చు. ఇలా వారంలో రెండు సార్లు చేస్తే మంచిది.
* యుక్తవయసులో మొటిమలు ఇబ్బంది పెడుతుంటాయి. ఈ సమస్యకు పరిష్కారంగా తులసి ఉపయోగపడుతుంది. దీనికోసం పది నుంచి పన్నెండు తులసి ఆకులు, మూడు నాలుగు వేపాకులు, చెంచా గంధం పొడి, నాలుగైదు చెంచాల గులాబీ నీరు కలిపి మెత్తగా చేసుకోవాలి. ఈ మిశ్రమాన్ని ముఖానికి రాసుకోవాలి. ఆరాక నీళ్లతో తడిపి మర్దన చేసుకుని ముఖాన్ని శుభ్రం చేసుకోవాలి. ఈ మిశ్రమం చర్మగ్రంథుల లోపలికి చొచ్చుకుని పోయి శుభ్రం చేస్తుంది. ఫలితంగా మొటిమలూ, వాటి తాలుకూ మచ్చలు తగ్గుముఖం పడతాయి.
* గుప్పెడు తులసి ఆకుల్ని మెత్తగా చేసుకోవాలి. దానికి కాస్త టొమాటో గుజ్జు, చెంచా తేనె చేర్చి ముఖానికి రాసుకోవాలి. రోజూ ఉదయాన్నే ఈ మిశ్రమం రాసుకోవడం వల్ల ముఖంపై పేరుకునే జిడ్డు నియంత్రణలో ఉంటుంది. చర్మం తేజోమంతంగా కనిపిస్తుంది. పొడి చర్మతత్వం ఉన్నవారు అరటిపండుని కలిపి ఫేస్‌ప్యాక్‌ తయారు చేసుకుంటే ఫలితం ఉంటుంది.
No comments:
Post a Comment